HINDI pa pormal na natatanggap ni Pangulong Rodrigo Duterte ang courtesy resignation ng ilang opisyal ng Philhealth matapos mabunyag ang ghost dialysis sa pagitan ng mga tiwaling opisyal at kawani at Wellmed Dialysis center, ayon kay Health Secretary Francisco Duque III.

Mananatili pa umano ang mga opisyal sa ahensiya hanggat wala pang go signal na ibinibigay ang Pangulo.

Gayunman, isinagawa na umano ang transition planning dahil handa naman umanong umalis sa posisyon ang mga opisyal na nakaupo ngayon sa ahensiya.

Noong Lunes ay inatasan na ni Duterte si Philhealth president Roy Ferrer at board members na magsumite ng courtesy resignation

Sinabi ni Presidential spokesperson Salvador Panelo na patatakbuhin ng mga secondary officials ang Philhealth habang iniimbestigahan ang mga opisyal nito.